Det har vore daglegvarebutikk der sidan bygget var nytt. Joker Ulvik har drive der i 25 år, og dei siste par åra har Snarkjøp Ulvik vore leigetakar. Eigedomsselskapet Plato AS er eigd av Ulvik herad, og ønskjer primært vidare daglegvaredrift i lokala.
Ulvik er ei turistbygd og ei fruktbygd inst i Hardangerfjorden, omkransa av flotte skog- og fjellområde. Her er om lag 80.000 kommersielle gjestedøgn årleg, fordelt på hotel, gjestehus, hytter og camping. Bygda har eit aktivt friluftsliv og kulturliv og mange aktivitetstilbod for born. Ulvik herad har eit godt tenestetilbod, ogskulen har fleirbrukshall og svømmebasseng. Alle som ønskjer det får barnehageplass og plass på skulefritidsordning.
Ta kontakt med Ulvik herad ved nærings- og reiselivssjef Mona H Hellesnes på e-post mona.hellesnes@ulvik.kommune.no eller post@ulvik.kommune.no, tlf 56 52 70 00.