Brøyting og strøing

Kva kan du forventa av oss?

Espen Syljuåsen

• ​​Normalt brøytar me hovudvegar, bustadvegar og prioriterte fortau innan kl. 07.30 på kvardagar.
• Vegar og gater skal vera framkommelege for fotgjengarar og vinterutrusta køyretøy. 
  Ved vanskelege vêrtilhøve, særleg ved skifte til mildvêr, kan det likevel verta vanskelege køyretilhøve og avvik.
• Brøytemannskap tek så langt det er mogeleg omsyn til eigedomane/avkøyring langs vegen.

Kva forventar me av deg?

• Fjern sjølv snø etter brøyting som er lagt inn i privat avkøyring, jf. veglova §43.
• Ikkje legg snø på offentleg veg eller fortau, jf. veglova §57.
• Fjern all vegetasjon på eigen grunn som heng ut i køyrebana, fortau eller liknande, og som er farleg for trafikktryggleiken og til hinder for brøytemannskapet og andre trafikantar, jf veglova §31,
• Flytt køyretøy som er til hinder for vintervedlikehaldet.
• Ikkje fjern oppsette brøytestikker.
• Merk utsette gjerde, postkassar og liknande, om mogeleg ein halv meter frå det du vil markera.
• Gjerde skal tåle snølast frå vanleg brøyting. Ulvik herad har ikkje ansvar for skadar på gjenstandar som har vore nedsnødd.
• Unngå å parkera langs vegar der det kan vera til hinder for brøyting og strøing av vegnettet. 
• Som sjåfør er du ansvarleg for at køyretøyet ditt har tilstrekkeleg veigrep etter tilhøva.

Gjev beskjed ved vesentlege avvik

• Kommunal veg: Send skriftleg klage til driftseininga til heradet på post@ulvik.kommune.no.
• Fylkesveg og fortau: Kontakt Vestland fylkeskommune - Drift og vedlikehald.