Trafikktryggleik

Offentleg skilt

Fareskilt 142 "barn" i skiltnormalen varslar om stad på eller langs vegen der barn ofte ferdast eller oppheld seg i tilknyting til skule, barnehage, leikeplass eller liknande. I eit bustadområde der det er naturleg å forventa at det bur familiar og barn er kriteria for bruk av fareskilt ikkje innfridde. Bruk av alle typar fareskilt er strengt regulert i skiltnormalen. Dei skal berre nyttast når faren er vanskeleg å oppfatta i tide, eller når faren er vesentleg større enn det som kan forventast ut frå omgjevnadene, lokale trafikkforhold eller utforminga til vegen. 

Ikkje eit offentleg skilt

Skiltet «barn leikar» er ikkje eit offentleg vegskilt/ikkje heimla i skiltforskrifta, og kan difor ikkje nyttast på offentlege vegar. På privat veg kan «barn leikar»-skilt bli sett opp med løyve frå vegeigar, men dei kan vera med å gje barn/foreldre ein falsk tryggleik. Slike skilt bør ikkje brukast slik at dei er med å legalisera leik på eller ved vegen.

Gangfelt kan brukast for å betra framkommelegheita for fotgjengarar der det er mange kryssande og tett biltrafikk slik at det er vanskeleg å finna ledige luker. Ved låg biltrafikk vil det vera gode tidsluker der fotgjengaren trygt kan kryssa vegen.

Kriteria for å leggja gangfelt er skjerpa dei siste åra. Ifølgje Statens vegvesen si handbok N100 er det ved fartsgrense 40 og 50 km/t krav om anten:

Brigitte ledermann

• tal kryssande fotgjengarar >20 og tal køyretøy > 200 i makstimen eller
• tal kryssande fotgjengarar >10 og tal køyretøy > 800 i makstimen.
   

Gangfelt er ikkje alltid eit trafikktryggleikstiltak. Forsking viser at mange bilistar ikkje stoppar for gangfelt, spesielt der det er lite trafikk, samtidig som fotgjengarar er mindre påpasselege når dei kryssar vegen ved gangfelt. Gangfelt kan difor ofte gje ein falsk tryggleik.

Trafikkspegel har ei krum overflate som gir eit forvrengt bilete av trafikksituasjonen og gjer det krevjande å dømma fart og avstand. I spegelen kan det vera utfordrande å oppdaga ein bil, syklist eller fotgjengar, spesielt på avstand. Jo mindre trafikant, jo vanskelegare er han å sjå. Det er også stor forskjell på menneskets, og spesielt barns, evne til å tolka eit slikt forvrengt bilete. Spegel er difor ei upåliteleg informasjonskjelde som kan gje falsk tryggleikskjensle. I tillegg er speglane svært utsett for skitt, frost, dogg og hærverk. Me ser følgjeleg ikkje på spegel som ei trafikksikker løysing, og set dei ikkje opp. Me tillet heller ikkje at dette blir gjort i privat regi på kommunal veg.

Vegetasjon som veks over veg og fortau skapar mange trafikkfarlege situasjonar for både fotgjengarar, syklistar og bilistar.

Huseigar/-disponent har ansvar for å rydda hekk og vegetasjon på eige eigendom mot veg og fortau.

Statens vegvesen har mange gode råd og tips til deg som trafikant, til dømes om sikring av barn, sikring av last, køyring med motorsykkel osb.

Du kan også ta Vegvesenet sin test:

Er du ein trafikksikker sjåfør?