Med ein aukande del eldre i befolkninga, og ein mangel på tilgjengeleg helsefagleg kompetanse, står me ovanfor store utfordringar med å møte etterspørselen etter helsetenester i framtida. Me kan allereie sjå at utfordringane har starta i Ulvik.
I Tørn undersøker me korleis me kan forbedra organisera og fordele oppgåver mellom ulike faggrupper, samt implementere nye turnusløysningar for dei tilsette ved Omsorgstunet. I Tørn ligg fokus på tre sentrale områder for å oppnå dette:
- Effektiv fordeling av arbeidsoppgaver
- Organisering av arbeidstida som gjev kontinuitet i tenestene døgnet og året rundt
- Kompetanseheving blant personalet
Målet med prosjektet er å setje i gang arbeidstidsordningar og oppgåvetildeling som fremmer trivsel, reduserer belastning, skaper forutsigbarheit og er økonomisk berekraftige, til det beste for brukarane, og medarbeidarane som arbeider i tenestene.
Organisering
Ein partssamansett prosjektgruppe er satt ned, og arbeider aktivt med utviklingsarbeidet. Prosjektgruppa deltar på felles samlingar med KS og får rettleiing i prosjektperioden. I løpet av prosjektperioden skal det gjennomførast 6 dagssamlingar, i tillegg til fleire Workshops og rettleiingsmøter med KS. KS dekker frikjøp av 20 % stilling som prosjektleiar.
Arbeidsgruppe
Prosjektgruppa er ein partssammensatt gruppe med både leiarar og tillitsvalte,
- Prosjektleiar
- Leiar Ulvik Omsorgstun
- Avdelingssjukepleiar heimebaserte tenester
- Hovudtillitsvalt NSF
- Hovudtillitsvalt Fagforbundet/Fellestillitsvalt for LO
- Tillitsvalt Delta
- Plasstillitsvalt Fagforbundet
Styringsgruppe
Prosjektet er forankra i leiinga i Ulvik herad, og leiargruppa til kommunedirektøren er nedsett som styringsgruppe.
Kva er TØRN?
Tørn-prosjektet er i regi av KS, og gjer forsøk med organisering av oppgåvene i kommunane sine omsorgstenester. Det handlar om å skape gode brukaropplevingar gjennom riktig kompetanse til riktig tid – og med heiltidskultur i botn.
Les meir om TØRN
Kontaktperson:
Kristin Røen Fauske, prosjektleiar Tørn
mob: 400 07 189
E-post: kristin.r.fauske@ulvik.kommune.no